Kjúklingabaunabuff
Kjúklingabaunabuff
u.þ.b 7 stk
Kjúklingabaunabuff
2 dósir kjúklingabaunir
1 tsk salt
Pipar eftir smekk
1 hvítlauksrif, pressað
1/2 dl brauðrasp
1 Nesbúegg
1,5 msk steinselja, smátt söxuð (má líka nota þurrkaða)
Hveiti
Sólblómaolía
Látið renna af baununum og skolið þær. Setjið þær í matvinnsluvél eða notið töfrasprota og maukið þær. Blandið hvítlauk, salti, pipar og steinseljunni saman við ásamt eggjum og brauðmylsnu og hrærið vel saman. Hægt er að bæta eggi við ef maukið er of þurrt.
Setjið hveiti á disk og hitið steikarpönnu með olíu á. Búið til buff, u.þ.b. 7 stykki, veltið upp úr hveitinu og steikið svo á pönnunni, nokkrar mínútur á hvorri hlið. Buffin eru tilbúin þegar þau eru gullinbrún og heit í gegn.
Berið fram með ferskri jógúrtsósu t.d., salati og hrísgrjónum.
Uppskrift fengin af síðu Eldhússystra: Kjúklingabaunabuff
