Lambaborgarar með fetaosta- og avókadósósu
Lambaborgarar með fetaosta- og avókadósósu
5 x 200 grömm
- 1 kíló lambahakk
- 1 Nesbú egg
- 120 g fetaostur (ekki í olíu heldur kubbur)
- ca. 30 g kóríander og/eða flatblaða steinselja, saxað.
- 1 sítróna – hýðið fínrifið
- 2 msk ólífuolía
- 4 hvítlauksrif, pressuð eða söxuð fínt
- gott salt og ferskmalaður svartur pipar
Fetaostur mulinn í skál. Kryddjurtum, rifnu sítrónuhýði, ólífuolíu og hvítlauki blandað saman við og kryddað með salti og pipar. Látið standa í nokkrar mínútur. Þá er blöndunni blandað saman við lambahakkið og eggið, hamborgarar mótaðir. Gott er að nota hamborgarapressu. Grillað eða steikt á pönnu við meðalhita þar til borgararnir eru hæfilega steiktir. Borið fram með salatblöðum, tómötum, rauðlauk ásamt fetaostasósu með avókadó.
Fetaostasósa með avókadó:
- 1 dós sýrður rjómi (180 g)
- 130 fetaostur (kubbur, ekki í olíu)
- 1 þroskað avókadó
- 1 msk sítrónusafi
- 1 hvítlauksrif
- salt og pipar
Öllu blandað saman í matvinnsluvél eða með töfrasprota.
Uppskrift fengin af eldhússögur.com
