Lambaborgarar með fetaosta- og avókadósósu
5 x 200 grömm
Mozzarellafylltar kjötbollur í chili-rjómasósu
Mozzarellafylltar kjötbollur í chili-rjómasósu
- 1 kíló nautahakk
- 1 Nesbú egg
- 1/2 – 1 tsk chili flögur eða duft (ég notaði chili explosion)
- grófmalaður pipar
- salt
- 1 poki litlar mozzarellakúlur (120g -12 stykki)
- smjör eða olía til steikingar
- 1 box Philadelphia ostur með sweet chili (200 g)
- 3-4 dl léttmjólk eða rjómi – hægt að nota allt þar á milli, t.d. matreiðslurjóma
- 1/2 -1 dl sweet chili sósa
- 1 askja kokteiltómatar
- fersk basilika (ca. 20 g), söxuð gróft
Nautahakkinu er blandað vel saman við kryddin og eggið. Því næst eru mótaðar 12 bollur og gerð djúp hola í hverja þeirra. Einni mozzarellakúlu er stungið ofan í hverja bollu og henni lokað þétt og vel. Því næst eru bollurnar steiktar upp úr smjöri og/eða olíu á pönnu á öllum hliðum þar til þær hafa fengið góða steikingarhúð. Þá er Philadelphia ostinum bætt á pönnuna, hann látinn bráðna ásamt mjólkinni/rjómanum. Þá er sósan bragðbætt með sweet chili sósunni, hrært vel saman. Látið malla undir lokið í ca. 10 mínútur, sósan bragðbætt með pipar og/eða salti ef vill. Því næst er kokteiltómötum bætt út í sósuna og allt látið malla í smástund eða þar til kjötbollurnar eru eldaðar í gegn. Áður en bollurnar eru bornar fram er ferskri basiliku dreift yfir. Borið fram með hrísgrjónum.
Uppskrift fengin af eldhússögur.com
