Bananamuffins með Dumle karamellum
Bananamuffins með Dumle karamellum
15 stk
- 130 g smjör
- 2 Nesbú egg
- 150 g sykur
- 1 tsk vanillusykur
- 200 g hveiti
- 2 tsk lyftiduft
- 1 tsk kanill
- 3 þroskaðir bananar, stappaðir
- 1 poki Dumle orginal eða Dumle Dark
Ofn hitaður í 200 gráður við undir- og yfirhita. Smjörið brætt og kælt dálítið. Egg og sykur hrært þar til blandan verður létt og ljós, þá er brædda smjörinu bætt út smátt og smátt. Vanillusykri, hveiti, lyftidufti og kanil blandað út í en þess gætt að hræra ekki lengi. Að lokum er stöppuðum banönum blandað út í deigið. Deiginu er skipt á milli 15 muffins-forma (fyllt um það bil 2/3) og einni Dumle karamellu þrýst létt ofan í deigið í hverju formi. Bakað í ofni við 200 gráður í ca. 15 mínútur eða þar til kökurnar hafa tekið góðan lit. Best er að bera kökurnar fram volgar.
Uppskrift fengin af Eldhussogur.com
