Jarðarberjakleinuhringir
Jarðarberjakleinuhringir
Hráefni
Kleinuhringir
- 1 1/4bolli Kornax-hveiti
- 1/2tsk matarsódi
- 1tsk lyftiduft
- 1/2tsk salt
- 60g smjör
- 1/2bolli sykur
- 1 stórt Nesbú-egg
- 1/2bolli mjólk
- 1tsk vanilludropar
- 5 stór jarðarber
Glassúr
- 1/4bolli rjómi
- 1tsk síróp
- 60g 56% súkkulaði
Leiðbeiningar
Kleinuhringir
- Hitið ofninn í 180°C og smyrjið kleinuhringjamótin vel.
- Blandið hveiti, matarsóda, lyftidufti og salti vel saman í skál og setjið til hliðar.
- Blandið smjöri og sykri vel saman. Bætið egginu við og hrærið vel. Því næst er vanilludropunum blandað saman við.
- Skiptist á að blanda þurrefnum og mjólk saman við smjörblönduna þar til allt er vel blandað saman.
- Saxið jarðarberin smátt og blandið þeim varlega saman við.
- Setjið deigið í mótin. Mér finnst best að setja deigið í lítinn plastpoka, klippa einn endann af og sprauta deiginu í formin til að það sullist ekki allt út um allt. Bakið í 10 til 12 mínútur.
Glassúr
- Hitið rjóma og síróp yfir meðalháum hita þar til blandan fer að sjóða. Leyfið henni að sjóða í 2 mínútur og takið þá af hellunni.
- Setjið súkkulaðið ofan í og leyfið þessu að standa í 5 mínútur.
- Þeytið allt vel saman og skreytið kleinuhringina.
Uppskrift fengin af blaka.is
