Súkkulaðirúlluterta með hnetu- Nizza og banönum
Súkkulaðirúlluterta með hnetu- Nizza og banönum
- 3 Nesbú egg
- 1,5 dl sykur
- 50 g smjör, brætt
- 2 msk mjólk
- 2 msk kakó
- 2 msk kartöflumjöl
- 5 msk hveiti
- 1 tsk lyftiduft
- ca. 1/2 dós Nizza hnetusmjör frá Nóa og Siríus
- 2 meðalstórir bananar, vel þroskaðir, skornir í þunnar sneiðar.
Ofn hitaður í 250 gráður undir/yfirhita. Egg og sykur þeytt létt og ljóst. Mjólkinni er hellt út í brædda smjörið. Kakói, kartöflumjöli, hveiti og lyftidufti blandað saman. Því er svo bætt út í eggjablönduna á víxl við smjör/mjólkurblönduna. Þá er deiginu helt á ofnplötu klædda bökunarpappír og dreift úr deiginu þannig að það myndi ferning. Bakað við 250 gráður í ca. 4-5 mínútur. Um leið og kakan kemur úr ofninum er henni hvolft á bökunarpappír. Gott er að bíða í nokkrar mínútur eftir því að kakan kólni svolítið áður en Nizza kremið er borið á kökuna, annars bráðnar það. Þegar Nizza kreminu hefur verið dreift jafnt yfir kökuna og bananasneiðunum raðað yfir, er henni rúllað upp.
Uppskrift fengin af eldhússögur.com
